ඔබ තවමත් Widane Forums සාමාජිකයෙක් නෙවෙයි ද..?

Widane Forums හි සියළුම ලිපිවල ඇති සියළුම Links වෙත පිවිසීමට නම් ලියාපදිංචිවීම අනිවාර්යයි.
ඔබගේ සියලුම තාක්ෂණික ගැටළු සඳහා විසඳුම් සොගැනීමට වගේම දැනුම බෙදාගැනීම සඳහා මෙහි ඉඩකඩ වෙන්කර තිබෙනවා.
ඉතින් ඇයි තවත් බලාගෙන ඉන්නේ ඉක්මනින් ලියාපදිංචිවී ඔබගේ දැනුම වැඩිකරගන්න.

Register Here




අමානුෂික පර්යේෂණ
#1
Exclamation 
මිනිස්සුන්ව ටෙස්ට් සබ්ජෙක්ට් එක හැටියට යොදාගෙන විවිධ පර්යේෂණ කරන එක වැරදි වැඩක්වත්, අසාමාන්‍ය දෙයක්වත් නෙමෙයි. ජීව විද්‍යාත්මක, මනෝ විද්‍යාත්මක වගේම සමාජ විද්‍යාත්මක කරුණු සම්බන්ධයෙන් පරීක්ෂණ පවත්වන්නටත් මානව සම්පත යොදාගන්නවා. හැබැයි මෙහෙමයි, මේ වගේ පර්යේෂණ එක එක්කෙනාගෙ හිතූ මනාපෙට කරන්න බැහැ. ඒ සඳහා පිලිගත්ත ක්‍රමවේදයන් සහ නීතිරීති මාලාවන් තියනවා. මේ පර්යේෂණයකට ලක් කරන මනුස්සයෙක්ව උනත් ඒ කෙනාගෙ කැමැත්තකින් තොරව පරීක්ෂණයට විෂයය කරගන්නට බැහැ. පරීක්ෂණයකට ලක්වෙන පුද්ගලයෙක් සතු වන අයිතිවාසිකම් රැසක්ම තියනවා. පරීක්ෂණයට අකමැතිනම් එයට සහභාගි නොවී සිටීම, ඒ පරීක්ෂණයේ අවදානම්කාරී ස්වභාවයන් ඇත්නම් ඒ ගැන දැනගැනීම, තමන්ගේ පෞද්ගලිකත්වය ආරක්ෂා කරගැනීම, පරීක්ෂණයෙන් ලැබෙන ප්‍රතිලාභ ගැන දැනගැනීම වගේ ගොඩක් කරුණු මේ අයිතිවාසිකම් වලට අයත් වෙනවා. ඒ අයිතිවාසිකම් රැකෙන පරිද්දෙන් කටයුතු කිරීම පරීක්ෂකයින්ගේ වගකීමක් වෙනවා.

මේ දේවල් අද වෙද්දි මෙහෙම උනාට, ලෝක ඉතිහාසය දිහා හැරිල බලද්දි මිනිස් ජීවිත සහ මිනිසුන්ගේ අයිතිවාසිකම් ගැන තුට්ටුවකටවත් තකන්නේ නැතිව අමු අමුවේ මිනිස් ජීවිත පීඩාවට පත් වෙන විදිහට සිදුකරපු අමානුෂික පරීක්ෂණ ගැනත් වාර්තා වෙනව. මේ සමහරක් පර්යේෂණ හිතා ගන්නටත් බැරි තරම් කෘරතර ඒවා වනවා. අපි මේ ගෙන එන්නෙ එවැනිවූ මානව ඉතිහාසයේ අමානුෂිකම මිනිස් පරීක්ෂණ ලැයිස්තුවක්.



1) ස්ටැන්ෆර්ඩ් සිපිරිගෙයි පරීක්ෂණය – Stanford Prison Experiment



[Image: stanford2.jpg]


1971 වසරේදි ස්ටැන්ෆර්ඩ් සිපිරිගෙදර සිදුකරපු මනෝ විද්‍යාත්මක පරීක්ෂණය ගැන නම් ගොඩ දෙනෙක් නොදැන ඉන්න විදිහක් නෑ. මේ පරීක්ෂණය කොයිතරම් ආන්දෝලනයකට ලක්වුනාද කියනවනම් මේ වෙද්දි ඒ සම්බන්ධයෙන් චිත්‍රපටි 3ක්ම බිහිවෙලා තියනව. ඒ තමයි Das Experiment, The Experiment සහ මෑතකදී ප්‍රදර්ශනය කරපු Stanford prison experiment චිත්‍රපටය. බලය (Power) පිළිබඳ හැඟීම මිනිස්සුන්ගේ මනසට බලපාන විදිහ ගැන තමයි මේ ස්ටැන්ෆර්ඩ් පර්යේෂණයෙන් සොයාගැනීමට අරමුණ කරන්නේ. මේ පර්යේෂණය පවත්වන්නට මූලිකත්වය ගන්නේ ස්ටැන්ෆර්ඩ් සරසවියේ මනෝවිද්‍යාව පිළිබඳ මහාචාර්යවරයෙක් වන පිලිප් සිම්බාඩෝ විසිනුයි.

යහපත් මානසික මට්ටමකින් සහ කල්ක්‍රියාවකින් යුතු පිරිමින් 24 දෙනෙක්ව තමයි ස්ටැන්ෆර්ඩ් හී පරීක්ෂාවට ලක් කෙරෙන්නෙ. මේ අයව “සිරකරුවන්” සහ “සිරගෙදර ආරක්ෂකයින්” වශයෙන් කොටස් දෙකකට බෙදනවා. සිරකරුවන් හැටියට නම්කල අයට පරීක්ෂණය පැවැත්වෙන සති දෙකක කාලය ඇතුලත සිරකුටියක සිරගතව තමයි ඉන්නට සිද්ධ වෙන්නෙ. ඒ අයව බලාගන්න පැවරෙන්නෙ ආරක්ෂකයින් හැටියට නම් කල අයටයි. ආරක්ෂකයින්ට තමන්ගේ වැඩ මුරය අවසන් උනාට පසුව නිවෙස් බලා යෑමේ අවස්ථාවද හිමි වෙනව. මේ ව්‍යාජ සිපිරිගෙය නිර්මාණය කරනු ලබන්නේත් ස්ටැන්ෆර්ඩ් සරසවි භූමියේ ගොඩනැගිල්ලක් තුළයි. පිලිප් සිම්බාඩෝ මහාචාර්යවරයා සහ තවත් සහායකයන් පිරිසක් විසින් පරීක්ෂණයට ලක්වෙන සිරකරුවන් සහ ආරක්ෂකයන්ගේ හැසිරීම් රටා නිරන්තර නිරීක්ෂණයට ලක් කරනු ලබනව.

කොහොමින් කොහොමින් හරි පරීක්ෂණේ ඇරඹිලා දින දෙකක් විතර යද්දි මේ පරීක්ෂණයට ලක් වෙච්ච පුද්ගලයන් අතර ගැටුම් ඇති වෙන්න පටන් ගන්නව. විශේෂයෙන්ම වෙනස් ගති ලක්ෂණ පෙන්වන්නට ගන්නේ ආරක්ෂකයන් හැටියට නම් කල පුද්ගලයනුයි. ඒ අය තමන්ට ලැබුණු බලතල හිතට අරගෙන සිරකරුවන්ව මානසිකවත්, ශාරීරිකවත් වධයට ලක් කරන්න පටන් ගන්නවා. සිරකරුවන් අතරත් විවිධ හැසිරීම් රටා ප්‍රකට කරන අය සිටිනවා. සමහරු ආරක්ෂකයන්ගෙ අණ කිරීම් වලට යටහත් පහත්ව යටත් වෙද්දි තවත් සමහරු කලහකාරීව හැසිරෙනවා. ක්‍රම ක්‍රමයෙන් මේ දෙපාර්ශවය අතර ඇතිවෙන ගැටුම් පාලනය කල නොහැකි තරම් ප්‍රචණ්ඩ සහ අප්‍රසන්න ස්වරූපයක් ගන්නට පටන් ගන්නේ පර්යේෂණ කටයුතු පවා අවුල් ජාලයකට හෙලමින්.

සති දෙකක් පුරා පවත්වන්නට නියමිතව තිබුණු මේ පර්යේෂණය අවසානයේදී දින 6ක් පමණක් පවත්වා නවත්වන්නට පිලිප් සිම්බාඩෝ මහාචාර්යවරයා ඇතුලු කාර්ය මණ්ඩලයට සිද්ධ වෙනවා. සිරගෙදර තුල සිදුවෙන අමානුෂික ක්‍රියාවන් තව දුරටත් බලා හිඳිනු නොහැකිව මහාචාර්යවරයාගේ පෙම්වතිය එයට දැඩි විරෝධය පෑමත් ඊට හේතු වෙනවා.



ප.ලි - ලැබෙන Comments මත මෙය ඉදිරියට ගෙනයාමට අදහස් කරමි.
#2
ela bro.. Smile
digatama liyamu...
samanya danimata hodai owa... Wink
<>
.:: [Induwara Uthsara] :: [රතු කුරුල්ලා] ::.
</>
Reply
#3
Ela.thawa danna.
Reply
#4
ELA BRO . digatama liynana
_____  _  _ _____ _____ _____ _____  _____
|  __ \| | | |  _  /  ___|_  _|  _  |/ __  \  ®
| |  \/| |_| | | | \ `--.  | | | |_| |`' / /'
| | __ |  _  | | | |`--. \ | | \____ |  / / 
| |_\ \| | | \ \_/ /\__/ / | | .___/ /./ /___
\____/\_| |_/\___/\____/  \_/ \____/ \_____/
Reply
#5
niyamai , thawa onaa
Reply
#6
elaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa
NO SYSTEM IS SAFE
Because there is a human behind system 

[To see links please login or register here]

Reply




Users browsing this thread: 1 Guest(s)